娘家有米　華原朋美月底臨盆唔怕做單親媽媽

剛於本月17日踏入45歲的日本女歌手華原朋美，今年5月時宣布未婚懷孕。近日她已停工待產，最近她與便好友兼Morning娘前成員保田圭見面。據知華原陀住男嬰，BB將於本月底出世。

華原多年來情路坎坷，當年苦戀監製小室哲哉自殺不遂，又曾濫藥及遭前男友虐打。華原曾透露腹中BB經手人是一名在外資公司工作的圈外人，但她無意結婚，外界推測男方疑是有婦之夫。不過，有指華原出生富裕家庭，娘家身家豐厚，她的三位兄弟分別經營製鐵廠、連鎖老人院及健康食品生意，每年生意額高達60億日圓(4.4億港元)，華原有家人照住，要獨力做單親母親亦冇難度。