【首位女歌手】莫文蔚臨沂開騷做足功課

2019年08月21日 02:16
東網電視
更多新聞短片
莫文蔚係首位喺臨沂開個唱嘅女歌手!

歌手莫文蔚(Karen)率領巡演團隊去到山東省臨沂舉行《絕色莫文蔚世界巡迴演唱會》,繼兩年前張學友喺臨沂大學體育場開騷之後,Karen成為第二個喺同一場地開騷,亦係首位喺臨沂開個唱嘅女歌手!

同之後其他站一樣,Karen每去到一個新地方,都會去當地著名嘅景點打卡。今次去到臨沂,Karen開心話收到一份意外驚喜︰「嚟到臨沂書聖王羲之嘅故居參觀,喺呢個充滿書卷氣嘅地方,我同我嘅名字喺呢度相遇。」隨即晒出喺王羲之書法碑文中搵到「莫」、「文」、「蔚」三個字,睇住一千七百年前嘅書聖寫低呢三個字,呢一刻,時光逆流,恍若穿越。

雖然係第一次去臨沂,但Karen私底下做足功課,去到古箏Solo環節,佢彈咗首當地家喻戶曉嘅《沂蒙山小調》,彈奏出第一句嘅時候,台下嘅尖叫聲、歡呼聲不斷!Karen又同Fans約定下次再嚟開騷,再透露自己一步計劃︰「下次再嚟嘅時候,我會用不同形式同你哋見面,可能係舞台劇,你哋都要嚟!」

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。