報讀碩士課程！程皓開完通宵上堂唔怕辛苦

前港姐程皓（Rachel）除咗係演員嘅身份外，近日仲回歸校園做番學生，佢報讀咗為期兩年嘅香港中文大學哲學系碩士課程，將會邊工作邊讀書，認真勤力！講到點解會選擇修讀哲學系？Rachel說：「因為自己一向鍾意睇心理同哲學嘅書，所以讀呢個學程，覺得可從中參透一啲道理，亦可以令自己有一個好態度對待事情，絕對係一門高深嘅學問。」

Rachel透露已經開咗學兩個星期，更表示現時生活更為充實：「每日一有時間就係睇readings，因為上堂亦有好多討論部分，所以有時開工通宵，之後再上堂真係完全諗唔到嘢。我記得有一次拍咗成日嘢，再去返學，之後夜晚再開工，搭港鐵返屋企時瞓到過晒站，雖然有啲攰，但好充實。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。