自爆偷睇祖兒換衫 軒仔:睇完都唔知睇到乜

20190822
東網電視
更多新聞短片
祖兒第16場嘉賓係軒仔。
天后容祖兒的演唱會昨晚舉行第16場,輪到好朋友張敬軒登場。兩人唱完《黃色大門》後,軒仔說: 「你老老實實唔好亂講嘢呀。」祖祖奸笑:「你對我大恩大德沒齒難忘,但係我真係好想講, 我好記得有一日,佢同我講:『唏!謝霆鋒真係好靚仔』」觀眾大笑,軒仔都笑住話:「冇辦法架呢啲。」
祖祖並沒停口:「如果關智斌係靚仔,佢一定係最靚仔,哈哈哈」講完自己笑不停,令觀眾都跟住狂笑起哄,軒仔為之語塞,諗咗一陣先行返過來反問:「你都講得啱,但為乜你唔講我個名呢?」祖兒說:「咁你就係頂級絕世帥呆男,大家唔覺得咩?比啲反應來聽下。」觀眾即歡呼喝采。
軒仔偷睇祖兒換衫
軒仔就鞠躬多謝各位,祖兒繼續玩軒仔:「你知不知你靚喺邊?你靚喺個心度,哈哈哈。」軒仔惟有頂番佢轉頭:「咁啱嘅你都係呀!」然後他從袋中抽出一張小卡片:「呢一張係我哋陪伴咗容祖兒咁多晚,佢後台身邊梳化服同事一齊簽畀你嘅一份小禮物。大家知唔知係佢呢副瘦削身軀、咁大條裙入面包住背後,冇人睇到佢身上幾多傷,我有幸可以睇到。你平日着係「瀡」入去,好似啲馬路咁暢通。我喺後台見到佢好少布嘅時候。」祖兒即震驚問:「吓?乜你有入來咩?」軒仔說:「我耐唔耐會『裝』下」祖兒說:「你無賴呀!」軒仔就安慰祖兒:「算啦,睇完都唔知睇到乜。哈哈。」觀眾也捧腹大笑。
軒仔再正經講:「佢剩係腳範圍,每日貼膠布着高跟鞋,佢皮外傷、內傷,今日開騷前仲去針灸同睇骨科。我喺台底十幾晚,我每晚都覺得容祖兒係值得所有最好嘢喺佢身上發生。」佢真係搵命博,我未見過一個artist,凌晨完騷喉嚨重插住六支針,就係為咗保證第二日有一個最好狀態見大家!」
差一主好人家
軒仔續說:「喺我哋呢行業好多人話一運二命三風水 ,但係冇架,上帝好公平,你付出幾多收穫幾多。你付出幾多汗水努力觀眾係會見到!」觀眾又即報以熱烈掌聲。「多謝你張敬軒,估不到你講嘢咁溫情。」祖兒突然好嚴重咁話:「我諗過對佢最大報答,我諗過架。」軒仔說:「唔使以身相許啦!」料不到祖兒不是說以身相許,而是爆出:「如果你需要一個人,將來識唔到一個女朋友都好,我可以做代母,喺泰國捐精,哈哈哈」軒仔嚇一跳笑住話:「咁我泰國搵得啦。」祖兒叉腰反問:「做咩依家好失禮你咩?我差啲咩?」軒仔再說:「容祖兒真係乜嘢都有啦,身邊人嘅愛都有,就係差一主好人家!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。