點解？麥雅緻睇祖兒High爆　張頴康勁尷尬

天后容祖兒啱啱完成咗第17場演唱會，呢晚張頴康同老婆麥雅緻都有去睇，麥雅緻喺社交網上載咗演唱會片段，見佢High到爆不停跟住唱，留言話：「祖兒嗰種追求完美到『刀仔拮大髀』嘅表演方式，完全係睇到令人腎上腺上升嘅Natural High。」

不過睇番條片，企喺隔籬嘅張頴康個樣好無奈兼帶啲尷尬，唔通覺得唔好聽？佢喺社交網解釋原因話：「唔好問我點解個樣會咁尷尬！我叫你全晚唱女仔歌睇吓你會點！不過又真係好好聽嘅，只係我唔熟歌詞先會咁啫！我老婆真係好鍾意佢，好彩佢係『女』啫！」唔係自己杯茶但係都肯陪老婆玩足一晚，有個咁錫自己嘅老公，麥雅緻真係好幸福。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。