紅磡360有驚喜!容祖兒吳浩康山頂位合唱

20190823
東網電視
更多新聞短片
容祖兒同吳浩康驚喜合唱!
天后容祖兒假紅館舉行的《PRETTY CRAZY演唱會》昨晚舉行第17場演出,祖兒登上「紅磡360」高空吊車,第一首歌就揀了《他都不愛我》,料不到與她合唱這曲的吳浩康(Deep)竟然坐在山頂位睇騷,大會即畀咪阿Deep,而他也拿着咪大方唱了一段,獲得不少掌聲。
唱到演唱會安歌時段,祖兒同觀眾邊傾偈邊握手時,突然見到有一位女觀眾狂哭,祖兒即上前問:「咩事呀,你乜事呀你?」其他觀眾就大叫:「佢求婚呀!」祖兒搞笑問:「你騎劫我個場求婚,你上嚟啦一係,逼喺嗰度!」但個女歌迷就只係識得繼續爆喊,祖兒惟有做埋主持人:「你哋唔好咁過分喎.....係咪求婚?點解咁突然?畀我睇吓你隻戒指大唔大隻先,都OK喎!咦,英皇珠寶?你係咪臥底呀,哈哈哈......」然後祖兒同女歌迷講:「戴咗佢啦! 錫啖先啦、打個車輪先,恭喜晒!」而女歌迷拿住花喊住同祖兒講:「花以為送畀你。」祖兒說:「係屬於你㗎啦,我心領啦,我送首《華麗邂逅》畀你啦,祝你哋永結同心,恭喜晒生多幾個!」而昨晚觀眾席見到曾華倩、黃又南,組合C AllStar的On仔、古巨基等來捧場。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。