發放正能量！林二汶叫大家陷低潮咪放棄

歌手林二汶出席直播活動，宣傳新歌《最後的信仰》，佢話今次係同一班兒童合唱團合作：「之前聽佢哋唱《銀髮白》時，我同岑寧兒已經聽到眼濕濕，覺得好感動，《最》希望畀大家訊息係，低潮時唔好放棄。呢首歌都會有大人版，同小朋友加大人版呢個兩個版本。」

問到呢首歌係咪受到昔日已故隊友盧凱彤（Ellen）嘅啓發？佢話：「其實呢首歌已經係10年前藍奕邦（阿邦）寫畀我，但當時我覺得未係成熟，所以冇唱，係有一日搵番先再同阿邦講我要用，佢先話首歌原來喺我度，首歌係Ellen離開之前已經有。」問到屆時日後宣傳時係咪都會同成班小朋友出嚟？佢話：「因為呢排放暑假，小朋友唔使返學，但開學後要夾吓時間。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。