鄭俊弘同偶像陳松伶合唱圓夢

藝人鄭俊弘晚上錄影《流行經典50年》，他表示希望節目長做長有，今年接下來的時間已預留錄影，最快明年初才參與劇集拍攝。他透露早前有機會夥拍陳松伶，合唱經典音樂劇《雪狼湖》的「花與琴的流星」，可算是圓夢。問到還有甚麼兒時偶像想合作，他說：「周潤發，但未有機會見真人，佢有提過我，話我似佢細個嗰陣，證明佢有留意我，真係好開心。而張學友就好彩喺電台撞過，仲影咗合照。」

談到即將到來的中秋，他表示沒有工作的話，想跟家人與女友何雁詩過節。他打趣自己是老外，其實比較重視西方節日：「好似情人節同佢生日咁，不過都唔記得最難忘係點過節嘞，咁中秋都會送月餅畀佢屋企人嘅。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。