預告愈剝愈少 菊梓喬拆解開騷玩密實原因

20190826
東網電視
更多新聞短片
幾時再開騷呢?
歌手菊梓喬(Hana)舉行的首個個人演唱會嚟到尾場,完騷後受訪時,她表示感動是很多愛錫她的人。講到舞台造型密實?她笑言:「邊密實呀,都有露手臂露腳架。第一套公主裝上面近睇好低㗎。(唔覺喎!)你哋上網睇番啦。下次啦,唔通第一次就露條線(事業線)咩,慢慢啦,希望開到2、3、4 …次演唱會,就愈剝愈少啦。」
開騷遇遊行影響心情
因首場遇着場館附近有遊行活動令交通受影響,不少前來看演唱會的觀眾受阻。Hana謂:「知道有啲事故,所以嚟唔到嘅朋友都可以換今晚第二場嘅飛或者退票,最緊要係安全。(宣布退票決定會唔會太遲?)其實我哋一知道,所有同事已經即刻安排,用盡所有方法去做去決解,唔嚟睇唔緊要,最緊要安全。(對安排上感到抱歉?)因為第一次演唱會,都有好多要擔心,當我回個神嚟,都即刻follow件事。」因突發事情可覺令今次個唱不完美?她謂:「已經好完美,多謝好多朋友嚟支持自己,都諗有冇人嚟睇,係咪坊間所傳賣唔到飛,但呢兩晚就證實傳聞唔係事實嚟,而心入面係好多謝支持我嘅人。」事件可有影響心情?她謂:「一定會有,但上台就放低一切,因咁先可以對得住入場嘅觀眾。」
唔取消頭場原因係…
星夢老闆何哲圖表示有持第一場門票的觀眾來換第二場門票,而選擇退票的觀眾,稍後都會公布退票手續。問到退票及換門票人數?他稱因首場入場人數都有9成 ,而換第二場門票或退票約幾十張。因突發事件,調動車輛都花了些時間。問到為何不考慮取消首場?他稱因原先遊行結束時間是4時,所以才沒想到要取消。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。