希澈沉迷煲劇打機　母望快啲結婚

韓國男團Super Junior（SJ）的36歲成員希澈月初被爆與人氣女團TWICE的22歲日本成員Momo拍拖，但二人均否認戀情，而一向出名是宅男的希澈昨晚亮相SBS節目《我家的熊孩子》，希澈的母親亦有現身，坐在直播室觀看希澈的獨居生活片段。

希澈在節目中公開他以白色為主的家居，十分整潔，希澈的母親指希澈自小便愛乾淨：「如果手指污糟咗，幫他抹乾淨之前，佢都追住我。」而和愛犬居住的他最近迷上看內地電視劇，當看到希澈整日煲劇及背出對白，直播室的母親團都忍不住爆笑，而希澈的母親就不禁嘆氣，並說：「佢係咁睇就係為咗背對白？」

而希澈除了愛煲劇，亦很愛打機，一開始玩遊戲便會忘記吃飯，主持徐章勛就笑說：「他不像37歲（韓國年齡），似17歲多啲。」而希澈的母親就希望兒子快點結婚：「快啲結婚就好，佢肯定早餐都冇食。」問到她有否擔心兒子的私生活，希澈的母親就說：「我都幾信佢，雖然識好多女仔，但唔會做其他嘢。」