唔為結婚而結婚 姚子羚對愛情仍抱希望

20190827
東網電視
更多新聞短片
姚子羚話唔會強求。
藝人姚子羚在劇集《包青天再起風雲》中與譚俊彥有段淒美故事,弱質纖纖的她份外惹人關注感情生活。子羚與的士車行太子爺鄭子邦三年情告終後,年中因「床照」意外揭露與夜場老闆Raymond拍拖,不過卻捲入「小三」疑雲,後來子羚作出澄清,並宣告情已逝,再次回到單身。工作未停過的子羚,對感情卻抱着佛係隨緣態度,子羚說:「結婚生仔每個女人都會諗,但冇得強求,唔會因為想結婚而去搵個人去結婚,亦唔會想因為想生小朋友而去搵個男人去同我生,係希望同愛嘅人有個完整家庭,先會想有小朋友。」
雖然情路幾經波折,但子羚也未有被嚇怕,依然渴望有一段簡單愛情,也不怕再付出真心。現年38歲的子羚直言現時搵對象會以終身伴侶為目標,希望白頭到老,她說:「我會覺得做人係要付出個心,如果每識一個人都抱住懷疑,呢段關係一定好辛苦,佢亦都可能唔係同你同步嘅人,喺埋一齊自然要互相信任,一路以嚟我都負出真心,姚子羚好簡單,亦渴望一段好簡單嘅感情。」不過,近年工作上子羚實在忙過不停,加上又要花心力處理感情問題,早前向公司申請放假休息,讓身心重新Reboot。
她更大讚譚俊彥是無綫數一數二喊得的男演員,淚水源源不絕,她說:「我細個係點都唔會喊,反而人大咗識得釋放自己,開心就笑,唔開心就喊,唔會隱藏,所以拍戲一入咗戲就好自然喊到。」
化妝:Henry Li
髮型:Taylor Wan@Hair Corner
服裝:EMODA@ITHK
場地:ToGather PartyHouse
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。