孖林德信謝票 衛詩雅見外國觀眾入場感驚喜

20190828
東網電視
更多新聞短片
衛詩雅與林德信為電影謝票。
藝人衛詩雅及林德信近日走遍港九新界為電影《雙魂》謝票,戲中另一「主角」鬼娃娃「荳荳」亦有同行。除了感謝觀眾入場支持外,由於電影中劇情充滿懸疑,二人即場解答觀眾疑問,分享自己對角色的睇法兼派禮物,最後與現場觀眾合照留念。
提到解答觀眾疑問,衛詩雅笑言自己超愛答問題,同時亦令她非常感動︰「感動嘅係觀眾好聰明,睇到一啲連我都冇留意嘅細節位,證明佢哋好用心去睇呢套戲。」其中一場,更有外國人入戲院支持,她直言非常驚喜︰「入到戲院見到有外國人,當時真係好開心,因為有唔同國籍嘅人睇,可以畀唔同意見我。」她直言滿意自己的演出︰「我覺得盡咗力就得,對得住大家,當然票房愈好就愈開心。」
至於林德信同樣大讚入場支持的觀眾︰「觀眾好叻,有大部分人睇第一次就已經明白劇情,有幾個觀眾仲睇得好清晰,細緻位都睇到,我都未必可以睇到晒所有嘢。」為了看到觀眾的反應和口碑,林德信更於散場後在門口「視察」,他說︰「見到好多觀眾完場後繼續去傾劇情,自己好開心,最開心令到觀眾睇完後同朋友一齊討論,好多時大家入戲院睇完戲後,離開時或者返到屋企就忘記咗。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。