泰國慶生關係有進展?朱晨麗問何廣沛仲想點

20190828
東網電視
更多新聞短片
到底朱晨麗同何廣沛想點呢?
藝人朱晨麗(朱朱)擔任第38屆香港貿發局香港鐘表展記者會上的模特兒,穿低胸裙的她打頭陣兼行壓軸,笑謂偷看其中一枚佩戴的腕錶價值一萬多美元。她自言曾送過名錶給家人,自己則喜歡戴運動型腕錶,用以Check心率、呼吸及睇通告,即被取笑是睇緋聞男友何廣沛的短訊,朱朱則解釋是睇公司通告。
提到早前陪何廣沛到泰國慶生,朱朱立即嘴角含春,笑說:「我冇送禮物,我哋成村人去泰國同佢慶祝生日啦!仲想點?我都想有人同我慶祝生日。(何廣沛話有人飲醉?)佢醉咋!(見到你就醉?)我負責調酒,加幾多酒精就睇吓同佢有幾Friend!(佢讚你係無價?)好感恩,多謝讚美。」兩人緋聞傳足兩年,經過今次旅行,會否加深了解?她說:「兩個人唔係咁易了解,要時間,成班人開心就得。(下次兩個人去?)我個期好難度,趁有時間我就去旅行,我好忙,朋友都話我比公司老闆仲忙。」她又透露右手甩骹已經痊愈,回復正常生活,沒有後遺症。
另外,其有份參演的劇集《多功能老婆》傳十月播出,不過朱朱稱未收到公司正式通知:「好期待,希望快啲出街,公司未度期宣傳,希望快啲出得,同千嬅好耐冇見,佢之前做演唱會,本來做完嘢可以約吓見面。(有冇為《多》延播而煩?)冇煩,所有嘢等公司安排。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。