【海量索圖】迪麗熱巴表妹選校花現真身

2019年08月29日 10:29
東網電視
更多新聞短片
大家唔好咁激動住,最後啲相先係重點!
被喻為「零死角美女」、內地女星迪麗熱巴顏值極高,一出道就已經係國民級女神,本身係新疆美女嘅佢,原來仲偷偷收埋咗個顏值Level一樣高嘅表妹蘇比,睇佢放社交網嘅自拍張張都鬼火咁靚,五官深邃又身材苗條,望落Perfect到成隻公仔咁款,佢仲要同表姐一樣鬼鬼哋,有指佢目前做緊練習生,最近佢參加埋國民校花比賽,靚樣正式曝光!
蘇比參加嘅校花大賽會選出10位少女爭奪國民校花冠軍,勝出者將有機會簽約入娛樂圈拍戲,「迪麗熱巴表妹」呢個頭銜就已經為佢帶嚟好高關注度,不過喺官方發布嘅參選照片中,運動Look示人嘅佢同自拍明顯有分別,而到咗校花活動見埋真人,白色恤衫學生Look上陣嘅蘇比竟然走晒樣,個樣同熱巴愈睇愈唔似,顏值亦同佢放嘅自拍差天共地,同一套衫官方相同自拍好似兩個人咁,即使佢依然少女味濃,可惜反差太大,唔少網民直言佢啲自拍係照騙,唔太睇好佢贏比賽,民望直插谷底,唔知佢最後仲有冇得翻身呢?
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。