講起個仔…石修:唔知依家啲年輕人諗咩

20190829
東網電視
更多新聞短片
石修笑言做爺爺要順其自然,因為唔清楚阿仔陳宇琛嘅諗法。
由導演張之珏執導的舞台劇《但願人長久》今晚舉行慈善場,獲石修、薛家燕、米雪、麥長青、宮雪花、許家傑、葉童及老公陳國熹等現身支持。剛從內地拍劇回港的石修說:「嚟撐好朋友場,依家拍緊一套時裝愛情片,着靚衫拍就舒服啲。(主要返內地拍嘢?)唔一定,早排先拍完《極道怪咖》。(依家自由身?)有簽經理人公司。」有戲癮想演舞台劇?他表示要看是否有時間:「舞台劇要排好長時間,要度期夾吓,喺我眼中舞台劇都係表演,可以同觀眾有直接互動。」
陳宇琛主力做後
講到阿仔陳宇琛前年成為人夫,問石修何時做爺爺?他笑說:「呢啲唔係我決定,相信佢哋自己會有計劃。(如果有孫,會減少工作湊孫?)冇諗喎,各自都有唔同嘅工作,要去唔同嘅地方,有時間見面都好開心。佢依家做幕後製作為主,都少咗設計銀器。(阿仔會寫劇本?兩父子合作?)唔係好知依家啲年輕人諗啲咩,哈哈……」
提起韓馬利於Facebook驚爆留院兩周與死神搏命,昔日二人合作過多次,當中包括《衝上雲霄》等,石修驚訝地說:「冇留意到報道,朋友會知多啲消息,會再問候吓佢。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。