又食網紅?吳亦凡十指緊扣《延禧》宮女

20190830
東網電視
更多新聞短片
等你回應呀!
內地藝人吳亦凡一向惹火,由佢早年同前組合Exo經理人公司解約糾紛,之後又傳出桃色緋聞,最誇張係佢去年新歌iTunes銷量疑造假被撤等,一舉一動都備受關注,而近期忽然脹爆回春嘅佢,竟然老貓燒鬚被拍得十指緊扣女學生,即時令粉絲暴動!有大陸媒體拍到吳亦凡開車與女子齊齊返家,疑似戀情曝光,當時吳亦凡帶住漁夫帽口罩現身,與女子坐車箱後座。一行人如助理等一同回到吳亦凡住所,去到車庫落車時,吳亦凡即放下戒心與該女子一路十指緊扣上樓短敍,隔咗段時間吳亦凡就匆匆離開繼續工作行程。有媒體就此致電吳亦凡工作人員,但暫時無人接聽。
而該女學生就被極速起底,有指佢係北京電影學院2018級學生,真名叫秦牛正威,年齡21歲,喺某視頻網站上擁有百萬粉絲,有「回眸妹妹」稱號嘅網紅,早前佢又曾參加「你的寶貝」女團。另有眼利網友指二人戀情被曝光後,秦牛正威被發現曾自爆送上比卡超公仔畀吳亦凡,之後吳亦凡又試過帶埋同款公仔上節目「插旗」,而秦牛正威又偷偷修改微博內容,Del走「訂情公仔」比卡超相,替換成一張寫有:「因為我腦海,已有最難忘。」嘅相,似在回應與吳亦凡嘅戀情。
另外,網友又搵到秦牛正威曾經拍過《延禧攻略》入面嘅植入廣告,以宮女扮相示人,同過男主角聶遠有幾秒嘅對手戲,力Sell大陸手機app。而網上更流出一輯指是秦牛正威於事件曝光後與網友對話的截圖,當中網友送上祝福:「希望你們幸福,希望你能好好照顧哥哥,把我們粉絲不能做的替我們做了。」她則回應:「是的喲」,疑似默認戀情。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。