水着陸續有來！松岡李那王慧媛晒胸器派福利

今日有冇水着睇？當然有！今日上場嘅，係日模松岡李那同埋應屆國際中華小姐亞軍王慧媛。先講向來鍾意出海嘅松岡，身在意大利旅行，都要坐吓遊艇出吓海，仲以紅色比堅尼上陣，攬住條柱喪影相。識少少廣東話嘅佢，喺社交網留言時日文同廣東話雙語廣播，話雖然自己唔係咁識游水都照落水，又話咁靚嘅天氣同環境下覺得好開心。不過話明廣東話識少少，所以佢喺想寫「好漂亮」嗰陣，就將「漂」寫咗做「票」，都算啱咗一半嘅！

至於來自夏威夷嘅王慧媛，一直keep住網晒喺當地影嘅水着，成日大讚陽光與海灘好鬼正，唔知仲以為佢係當地旅遊大使之外，更勁在成日都有唔同款式水着上場，拍攝角度多多。今日佢晒嘅水着，唔單止close up影上圍同大髀，當然唔少得有35.5 G Cup導彈。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。