音波功震穿耳膜！馮盈盈摸啲咩嗌到癲？

前港姐馮盈盈（FYY）唔只出名語出驚人，把聲響仲係人都知，喺最近嘅《#後生仔傾吓偈》佢又再次使出音波功，究竟點解呢？

話說盈盈喺呢集要接觸爬蟲動物，嘗試用手掌托住壁虎雲呢拿時，驚到瘋狂尖叫，成個人硬晒軚，不過之後佢都鼓起勇氣摸對方，語無倫次以「好新鮮」嚟形容雲呢拿，但畀對方抓住隻手時又再次嗌到拆天，花容失色一面痛苦，隔住個Mon都畀佢震穿耳膜呀！

之後佢又再試捧非洲球蟒小黑，點知小黑突然伸脷，搞到盈盈又再嗌過，環迴立體聲全力放送，震耳欲聾，真係難為了收音師呀，連坐喺佢隔籬嘅陸浩明都話唔驚都畀佢搞到驚！相反，麥明詩就大膽好多，托住條蛇時非常淡定！網民都笑言小黑會唔會畀盈盈嚇到大蛇屙尿㗎？

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。