自拍自剪　泳兒做旅遊網紅

歌手泳兒與洪嘉豪出席小網紅活動，泳兒透露有意向旅遊達人方向發展，昨日已發布第一集新加坡美食團，她說：「自己拍自己剪，不過搞咗好耐，好多年冇返新加坡食同玩，每次都係做完嘢就走，今次好快走一轉，拍咗6集，我都擔心咁耐出，啲餐廳menu轉咗，下次我想去越南，朋友講笑話會唔會等到出年先出到。」

她說做旅遊達人不簡單，難在於自己一個人完成：「我一個人比較悶，因為唔多嘢講，希望下次有朋友一齊拍，不過拍嘢係可以長智識。（叫男友粉墨登場？）如果咁啱同步一齊都可以，之前試過去澳洲，佢幫我拍，但佢好辛苦，好躁，之後我再叫佢，佢就say no，佢覺得去旅行係玩，唔要做嘢。」不過泳兒大讚男友影相好靚，試過在家為她拍過一輯性感美照，贏得不少likes，說：「有啲人做網紅行性感，我決定做旅遊。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。