積極備戰紅館騷 關智斌:我唔係得兩首歌!

20190831
東網電視
更多新聞短片
要加油呀!
關智斌(Kenny)集氣成功,可以首度踏上紅館開個人演唱會,一圓16年紅館夢!近日Kenny為演唱會積極備戰,佢上載咗短片到社交網與粉絲報告排練進度,仲多謝一班粉絲幫忙集氣!見到片中佢不停做運動大騷肌肉,穿上藍色嘅背心嘅佢盡騷手臂完美嘅線條,展示近日操練嘅成果!佢話其實健身唔係最難,對於佢嚟講最難原來係排舞,因為跳舞要從頭學起同要記得每個步驟,擺明演唱會有勁歌熱舞。
另外,有粉絲幫Kenny整咗個全場兩首無限loop歌單《眼紅紅》同《死性不改》,Kenny抵死回應:「我開呢個演唱會就係要話畀大家知,我唔係只得呢兩首歌!」仲話:「其實我solo唔係只得《眼紅館》一首歌,仲有好多首係我自己填詞㗎,記得做好功課先入場呀,唔係到時我遞咪俾你哋唱全場靜過太空!」
之後,佢去到錄音室開會同練歌,見佢同導演及音樂人員一齊表達意見時候嘅認真態度真係好吸引,Kenny仲提到上載短片前兩日因為擔心演出嘅表現導致有啲休克同虛脫,佢知道唔可以因為排練而忘記照顧自己嘅身體,佢話到時要以最健康嘅身形示人。網民見到Kenny為咗個騷咁努力,仲紛紛留言話:「永遠支持你!」
網民有話兒:
XX小小軒:「永遠支持你!」
Babyboys1X1:「態度方面積極進取,不可多得,超正」
WongTinXXX:「我已經聽咗你啲歌成個月啦…乜舊歌都記得翻曬啦」
KatyCoXX:「你當然不止兩首歌,仲有好多歌,加油~~」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。