中女危機!田蕊妮谷行Turbo傷心又傷身

20190901
東網電視
更多新聞短片
田蕊妮要演陷入「中女危機」嘅角色。
於2013年憑《巨輪》「倀雞英」榮升無綫視后的田蕊妮(阿田),之後在《鬼同你OT》、《忠奸人》及《迷》的演出都令人津津樂道,但前年突然停工,一年只拍下劇集《她。她。她的少女時代》,儲足精力在此劇中大爆發。
唔夠瞓聲線差
阿田表示《她》劇看似是普通勵志小品,其實挑戰甚大,在劇中演陷入「中女危機」的她,覺得甚至比起角色入魔的《迷》更辛苦:「個角色結婚廿年,老公先話有第二個,個女又想獨立,令佢好迷失,但監製話即使跌落谷底,人生都係幽默,係好難去揣摩。另外劇入面我成日要唱歌,雖然我唱歌OK,但拍劇期間好多喊戲同唔夠瞓,聲帶Quality好差,仲要唱Live,係好大壓力!」
講到最難搞是要操練腹肌拍攝擂台戲份,即使熱愛運動的她亦被考起:「究竟幾時開始,唔止男仔要騷腹肌,女演員都要呢?女仔要操肌真係好難,嗰排我好大壓力,好想做到,所以開工一路食住健康餐,個角色情緒已經Down,仲要冇得食糖獎勵自己!最後效果大家都滿意,但我就覺得可以再好啲嘅。」
9月開騷棟篤唱
阿田的演技已屬信心保證,監製偏好找她演出高難度角色,角色情緒像坐過山車般,難怪她笑言心很累,不可再狂接劇:「拍劇時間好長,能量要好大,我係用真感情去演,所以真係傷心又傷身!其實我好簡單做戲都可以好好睇㗎!監製可以留意吓。」
《她》劇播完,她已「清倉」沒有劇集存貨,直言現在重質多於重量,今年新挑戰是9月的音樂會:「雖然我出咗兩張HiFi碟,但好多人都未覺得我係唱歌嘅,今次挑戰自己,有Talk Show部分,一半講一半唱,呢排都要閉關度稿,希望帶出一啲訊息。」
化妝:Meegan Seak
髮型:Haffman@Hair Corner
服裝:HARRISON WONG
---------------
立即參加「賞您睇」: http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。