細仔返學喊到聲沙　林盛斌心痛諗過接返屋企

藝人林盛斌（Bob）為萬希泉與葉念琛聯乘推出以「告白」為主題的情侶腕錶活動擔任司儀，Bob台上表示老婆快生日，還大膽叫老闆送錶，受訪時他表示同葉念琛及沈慧林都是好朋友，他說：「我同佢哋講，利是唔好收啦，送番對錶畀我，送畀老婆生日，之前七、八月冇乜陪佢，我去咗馬來西亞拍戲，角色係做財神，活動扮財神就扮得多，估唔到拍戲都可以做財神，仲係做男主角。」

講到細仔返學勁喊，他笑說：「我都唔明點解喊成咁，佢三個家姐初初返學都係咁，我抱住佢喺街啲人以為我係拐子佬，但朋友啲小朋友又冇喊，可能佢哋留喺屋企太開心。（喊到咁有冇心痛？）都有，有一刻都有同老婆講不如接佢返屋企，話晒留喺學校都幾個鐘，好陰功，佢返到屋企把聲喊到已經沙晒，但呢啲係人生必經階段。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。