江華開綠燈畀麥潔文性感開騷:全身Scan過

2019年09月05日 16:11
東網電視
更多新聞短片
真係Sweet到呢~~
歌手麥潔文今日宣傳於10月中假旺角麥花臣場館舉行個唱,席間老公江華突然現身送上驚喜,拉住老婆大擺Pose合照勁恩愛!麥潔文自認連唱3小時會感辛苦、吃力,所以都有做運動練體力,至今已減5磅:「目標係減多1、2磅,都唔想減太多。」江華搶話「投訴」:「仲減?再減好心痛!依家已經要喝住唔畀佢食甜品,再瘦就應有嘅嘢無埋!」問到兩公婆會一齊操Fit?麥潔文指:「佢一直都有操,我係搵唔到佢啲脂肪。」
江華開綠燈着性感歌衫
問到江華可接受老婆着性感歌衫?他大方謂冇問題,又派糖大讚老婆大把本錢:「最緊要係着得起!佢就着得起,但性感唔一定係暴露。(要過目佢啲衫?)都20幾年夫妻,全身都Scan過,所以未驚過!服裝Sponsor都係我搵。」麥潔文亦預告屆時上身會比下身少布。
預告阿女、老公上台合唱
講到嘉賓,她透露囡囡陳薔天及老公都會上台合唱,問到會否驚老公「咪霸」上身搶唱?她笑話:「佢未必敢,畀個膽佢都唔敢!」身旁的江華賣口乖說:「我唔會搶風頭、喧賓奪主,獨唔獨唱要主角批准,我好配合。」麥潔文大爆老公日日練歌,好攻心計,密謀想獨唱,江華重申:「嚴重聲明我只係配合,我唔係唱家班先要勤力練歌。」問到二人有邊首飲歌?麥潔文點歌:「想同佢合唱同Leslie(張國榮)嗰首《Miracle》。」江華即刻笑話可以扮哥哥:「要我唱《大熱》、中熱、小熱都得!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。