同傅穎破冰!鄧麗欣爆Cookies有望合體

20190905
東網電視
更多新聞短片
鄧麗欣話有同傅穎保持聯絡。
藝人鄧麗欣(Stephy)與黃宗澤(Bosco)出席服裝品牌活動,有指Stephy自從同傅穎破冰後,有意助她回流香港電影圈,她為傳聞澄清:「我都係啱啱先知,冇呢件事,點會係我同佢傾呢?佢都有公司。(上次睇完騷都有保持聯絡?)大家互相Follow IG,都有私訊傾吓偈。(佢係咪想返港拍戲?)佢不嬲都兩邊走。(有Fans話想睇組合Cookies合體。)呢樣好複雜,牽涉好多嘢,有兩個媽媽生小朋友,要唔係冇可能,係唔知等到幾時,可能等到Bosco開騷,我哋合體做嘉賓,一切都有可能,但要睇時間,Kary(吳雨霏)就快生,又係一條漫長湊B之路。」
Stephy續指現時比較空閒,問到有計劃趁得閒結婚生B?她求饒說:「催婚、催生咗唔知幾多年,唔再講啦,問到覺得自己冇機會,依家未有計劃,順期自然。」9月底將於台灣開第二間飲品店的她,表示有時間就會飛當地打點:「馬來西亞、加拿大都有開店,但就唔會飛過去,香港就暫時未有考慮。」於馬來西亞有物業的Bosco,自告奮勇指閒時幫Stephy巡視馬來西亞分店的業務。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。