主持踩過界做歌手　蔡婷婷自資6萬出歌

由主持人搖身一變成今年樂壇新人的蔡婷婷，今日為首隻派台歌《幻燈片》舉行新歌兼其MV發布會：「首歌係講中學時期嘅閨蜜情，紀念我哋之間嘅友誼。自己一直都好鍾意唱歌，之前都去過唔同地方表演，中學嘅時期都有參加過歌唱比賽，拎過亞軍，依家出到歌、做今年樂壇新人就好似願望成真咁，之後都想繼續出歌，嘗試韓系快歌曲風，私底下都有學緊跳舞。（預計幾時？）出年3月，因為都要時間籌備，搵朋友作歌。」

她又透露今次自資用了5、6萬出歌：「都有贊助、朋友支持。（之後出歌都係自資？）係。（想簽唱片公司？）都想。」問到最想合作的歌手？她就點名天后容祖兒，指對方是自己的偶像。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。