曳曳！容祖兒變容陰功　撐住拐杖見邊個？

天后容祖兒（Joey）上月喺紅館舉行19場演唱會，精彩演出叫人拍爛手掌，但有苦自己知，雙膝嚴重勞損行唔到路，醫生為佢喺膝頭抽出50cc黃色液體後，佢先終於可以落返地！唔少粉絲都叫佢要好好休息，但佢為咗佢哋竟然唔聽話出街「蒲」，真係曳呀！

原來佢約咗張敬軒同蘇施黃（阿蘇）食飯，阿蘇喺微博晒出合照，留言：「後生呀！前一日喊住坐輪椅，以為飯局要改期?第二日做士的女都要出現?只有為她改由要行樓梯的我家，轉到另一位有?的朋友家，貪玩鬼?」軒仔都上載祖兒撐住拐杖嘅照片，笑言：「冬陰功個friend#容陰功#仲識搞Gag仲識喪笑」雖然祖兒行動不便，但佢依然盛裝赴會，精神奕奕，加上軒仔咁講，大家可以稍為放心喇！

---------------

立即參加「賞您睇」： https://tinyurl.com/y2e6pmwk　　

Click下面粒掣，儲on.cc coins！機票、家電、超市禮券、過萬份獎品等緊你。