傅明憲戥90歲爸爸入稟追討前夫500萬心痛

2019年09月07日 14:37
東網電視
更多新聞短片
今日傅明憲講番爸爸同前夫葉劍波嘅欠債風波。
藝人傅明憲到荃灣出席活動,講到爸爸傅國梁(藝名傅奇)入稟高院索償傅明憲前夫葉劍波500萬港元,她表示:「件事係2014年年尾,葉劍波搵我爸爸支持佢搞上市集資,爸爸好錫佢,想佢東山再起,所以2015年1月爸爸就畀咗500萬支持佢集資上市,合約寫明18個月後歸還1000萬。」她續謂但對方沒有上市,爸爸追問他情況,但他謂仍努力中,差少少,所以爸爸繼續等他消息,本身2016年中要還,但一直沒消息。
傅明憲:爸爸想攞番啲錢養老
她續謂:「爸爸年紀大,唔想等啦,想攞番啲錢,所以由2016年中等到2018年,期間用短訊追問情況,但未追到,對方一係遲覆,一係就話仲努力緊,叫爸爸等吓。但今年爸爸都90歲,想攞番啲錢養老,但對方冇畀,冇辦法下搵律師入稟,令到爸爸咁擔心我都好心痛,佢好無奈又有口難言。」問到事情可要上庭或庭外和解?她表示:「爸爸90歲仲要打官司,由加拿大番嚟香港出庭會好辛苦,希望件事快啲解決。」她亦謂入稟前有聯絡葉劍波,亦有追過對方,爸爸亦有寫信給對方,但都未有回覆。
剛去完哥斯達黎加潛水睇鯊魚
另外,她透露剛剛去完哥斯達黎加潛水睇鯊魚,要搭36個小時船到一個接收不到信號的荒島,並在那裏住了一個星期。她表示已看過鯊魚很多次,但今次與虎鯊的距離最近,問到潛水近距離睇鯊魚不驚?她表示:「其實嗰度兩年前發生鯊魚咬死人嘅事件。(咁你仲夠膽?)我唔係好緊張,鯊魚對反光、白色嘅嘢有興趣,所以我為個行程準備咗全黑裝備,同埋我對潛水教練有信心,如果有咩事佢哋都會即刻上水。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。