攞完視后先攞新人獎？迪麗熱巴露腿晒仙氣

兩年一度嘅「第十七屆國電影表演藝術學會獎」啱啱喺內地圓滿結束，當中電影《解憂雜貨店》兩位主角迪麗熱巴同王俊凱齊齊奪得新人獎，入行8年嘅熱巴曾經喺金鷹節上奪得「大滿貫」包括金鷹女神、觀眾最喜愛的女演員（即視后）和最具人氣女演員獎，雖然攞過視后，但係佢喺電影圈發展都係近兩年嘅事，第一套擔正女主角要數到2017年嘅《傲嬌與偏見》，計番條數佢的確有資格攞電影圈嘅新人獎。近年不時傳出質疑熱巴演技嘅消息，今次攞獎可以話係及時雨，為熱巴嘅演藝事業嚟一支「強心針」。

熱巴以一身淡黃色雪紡長裙現身紅地氈，飄逸嘅打扮滲出陣陣仙氣，估唔到條裙嘅設計內藏好風光，喺行路嘅時候雪白嘅大髀若隱若現引人遐想。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。