19吋黃蜂腰　黃榕健美比賽得第三爆喊

藝人黃榕出席活動，透露昨日健美比賽成績是第三名，她表示：「四月嗰陣比賽就攞亞軍。（失望？）少少，因為預備咗好耐，但對得住自己，都訓練咗三個月。（覺得自己邊方面差少少？）其實我覺得自己好好，肌肉同舞台Pose都好好，所以返到後台都忍唔住喊，但唔緊要，下次再嚟，可能下年四月比賽，都想去外國參賽攞下經驗。」

她又表示現時會教人瘦身、練肌肉、美臀、瘦腰，笑言現時很滿意條腰：「19吋，係人生最瘦，但尋日食咗一餐就已經冇咁好線條，但嚟緊都會盡量keep住。」問到比賽後可有放肆大食？她笑言：「有呀，尋日放肆食咗辣雞，聽日就會食火鍋。」問到可有意自己拍片放上網教人修身？她表示：「都想，平時自己都有拍片放IG，但就淨係自己做，冇教人哋做，但嚟緊都想仔細啲教吓人哋點做。」她又表示半年前考到健身教練牌，現是都有收生一對一教。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。