出書爆娛圈秘聞!陳少寶話你知點簽王菲

20190908
東網電視
更多新聞短片
陳少寶籌備緊將本書拍成網劇,希望王菲(左圖)個角色可以搵竇靖童演出。
前唱片公司高層陳少寶出席活動,透露剛推出了自傳,當中講述過去十多廿年作為DJ和唱片公司打造歌手的生涯。他透露書中最刺激的東西就是全部人開名,包括歌手、助手等人名,對內地來說是破天荒,最初冇人敢出書,最後找到一位不懂講粵語、但喜歡廣東歌的內地人肯出。他謂書中會講八、九十年代香港輝煌的娛樂圈,問到可講一些天王巨星的故事?他表示:「會,仲寫得好仔細,例如王菲點簽,Beyond點搵我,我發生官司時身邊女友點樣鼓勵我同變成老婆嘅過程,基本上係我嘅上半生。」
想搵星二代演網劇
他又透露有個很大的野心,就是想把書拍成網劇,現時籌備中,已寫好一半劇本。問到找誰飾演巨星?他透露有意找巨星的下一代飾演:「我唔知做唔做到,可能我自己一廂情願,想搵佢哋嘅第二代嚟演,例如王菲就會搵童童(竇靖童),許冠傑就可以搵許懷欣。(譚詠麟個仔好難搵?)可能搵李克勤呢,哈哈。(要碌人情卡?)唔用呢招,希望大家有興趣就做啦,當然有興趣嘅話我就會碌人情卡。」問到可會自己演埋?他表示:「冇諗過會自己做男主角,如果做都可能做啲茄喱啡或老人家。」他預計希望明年第四季或後年第一季推出網劇。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。