妹妹爬頭結婚！Aka唔願被叫「大姨媽」

組合Super Girls隊長趙慧珊（Aka）出席活動，講到中秋節，她笑言曾整冰皮月餅，但好難食：「驚食咗會肚痛，所以就叫爸爸、媽媽試少少算，最後擺到過咗中秋節都未食。（你畫畫勁，但廚藝差啲？）係月餅差啫，煮公仔麵就OK。」她又透露中秋節會放假，記得有年過中秋節很難忘，與父母、妹妹及其男友一起到沙灘，笑言：「去到鋪晒啲嘢之後，兩pair人就走咗去，留我自己一個坐喺度看袋望月光。（今年搵番個伴？）都唔知幾多年都搵唔到伴侶，我都慣咗看袋。（父母有冇催你？）又冇喎，可能因為阿妹就嚟結婚，可以分散注意力。」

她透露妹妹將於年尾結婚，問到爬她頭結婚？她表示：「係呀，我又冇嘢嘅，唔使叫佢捐褲浪，情願佢爬頭，如果唔係有排等，等到50歲。」她又表示做家姐要送龍鳳鈪，所以都周圍問朋友買金的事，問到可會幫手設計東西送給妹妹？ 她表示：「佢完全冇叫我做嘢，因為知我忙，但我都有叫我啲髮型師同化妝師畀佢試，都有一齊去試婚紗。（見到妹妹着婚紗好感動？）係呀，我諗嗰日我應該係第一個喊。」講到如果妹妹生了BB後她就榮升「大姨媽」，她即笑言：「好核突呀，唔使佢咁叫，叫返我個名就得。（催妹妹快啲生BB？）佢生我玩，佢話都會畀我教，因為我之前教畫畫跳舞，都知點樣同小朋友互動。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。