張惠雅31歲搞搞新意思！老友湯怡晒相示愛

歌手張惠雅（Regen）日前啱啱踏入31歲，每年生日Regen都會搞搞新意思行善，繼派月餅同派湯之後，今年佢想月尾搞個沙灘執垃圾，獲好多粉絲同友人紛紛響應，舉手支持同參與！同Regen係閨蜜嘅湯怡，亦喺社交網上載兩人合照，祝賀死黨生日快樂，佢留言：「呢位奇女子喺我心目中佔咗一個好重要嘅位置，雖然我哋唔會成日搵大家，亦唔會成日見，但係開心唔開心都會第一時間分享分擔，超過十年嘅友誼真係唔容易，我會繼續好好珍惜呢個咁愛我嘅人！珍惜呢個可以令我開懷大笑嘅人！生日快樂！Love you！」真心朋友唔使多，能夠擁有一、兩個知己已足夠，網友都話好羨慕佢哋嘅友情！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。