HeHe?譚坤倫孖張振朗同房爆怪聲引人誤會

20190909
東網電視
更多新聞短片
真功夫!
現年28歲的無綫藝人譚坤倫(Alan)入行八年來扮演過無數綠葉角色,早前在劇集《包青天再起風雲》中飾演「開封七子」的馬漢,演武打戲甚有功架,引起觀眾注目。原來他是個隱世武林高手,自小學六年級便赴嵩山少林寺中心武術學校修煉武功,總共學武足足六年。Alan直言相當刻苦:「朝早五點天未光就跑步,之後就要開始操練,跟住上武術堂,如果做得唔好,係會有體罰!例如一班人一齊跑步,但其中一個唔齊的話,全部趴低每人一棍。我爸爸當時都係含淚目送,而且一年先 見得屋企人一次,所以我成日匿喺被竇入面喊。」
曾經Alan是潺仔一名,但現時已搖身一變成為爆肌男,他坦言受到張家輝的激勵:「當時喺戲院見到張家輝好型,令我的起心肝開始去做Gym,我就一個月去足廿幾日,持續咗四年終於有成果。嗰時拍《包青天》我有專登增磅,最高峰時期有180磅,不過之後因為做運動時受傷,依家已經瘦番。」
回憶在橫店拍攝《包青天》劇集時期,Alan經常與張振朗相約在酒店房齊齊操肌,他笑言好易令人誤會:「我同張振朗每日都爭取時間一齊操肌,有時我哋不斷發出一啲氣聲,其他人喺門口聽到就覺得好奇怪,兩個大男人喺酒店房!但我好佩服佢(張振朗),因為以我所知,就算當晚幾夜收工,佢都會操!」
場地:榮拳館 Bomber Gym
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。