史嘉娜性感現身多倫多　首次做銀幕阿媽

美國女星史嘉娜祖漢遜（Scarlett Johansson）於《多倫多國際電影節》出席新片《Jojo Rabbit》首映禮，她於《雷神奇俠3：諸神黃昏》（Thor: Ragnarok）導演Taika Waititi這部自編自導自演的新作中，飾演二次世界大戰時期一個德國母親，她秘密於閣樓窩藏猶太女孩，被10歲兒子發現後，兒子大受驚嚇，要依賴一個幻想出來的戇居版元首希特拉，去平衡自己的世界。

史嘉娜受訪時表示：「我從來未喺電影入面演過阿媽。然後今年，我拍咗兩部電影忽然做咗10歲同11歲細路嘅阿媽，我好似變咗即時家長咁。我諗對演員嚟講，當然，有好多方法去演好角色。而我自己作為一個家長，係好有幫助，明白咗角色一啲本來我可能唔會明白嘅心態。」