出爐亞軍王菲冇覺好瞓 成晚掛住...

2019年09月09日 18:35
東網電視
更多新聞短片
係興奮嘅~又難怪王菲瞓唔着!
出爐港姐亞軍王菲、季軍古佩玲出席活動一同受訪,王菲先指昨晚冇覺好瞓,因為要回覆海量訊息:「有好多朋友恭喜我,仲Cap低我喊到花晒、溶妝個樣。(唔驚佢哋整GIF圖?)整Sticker都幾好!自己都有睇番啲片,睇現場情況,其實到依家個得獎感覺都唔係好真實,每一Round都好驚畀人Foul,但覺得呢兩個月都超越咗自己、超額完成,都要讚自己表現畀想像中好。」古佩玲亦笑指一樣冇覺好瞓:「心情好興奮,我同王菲一樣返到屋企都係食湯圓慶祝。」不過王菲就話食到嘔,可能餓得太耐,加上有少少唔舒服,此時古佩玲再「執口水尾」說:「我都有少少鼻塞,個胃都餓細咗。」
問古佩玲與男友有何慶祝活動?她聽到問題先話有同朋友慶祝,似乎不欲多談男友,但追問之下,她才怕醜話男友現身在加拿大:「佢只係Send咗Message畀我話恭喜,同埋好Sweet加咗好多個心心。」相對王菲就大方得多,直認被男友大讚叻女:「佢都有恭喜我。(點慶祝?)忙完先慶祝,佢尋晚同屋企人睇直播支持我。(驚唔驚太忙會忽略佢?驚感情轉淡?)唔驚,雖然前排好忙冇覆佢Message,佢都好體諒。(呢個體諒可以長時間?)OK嘅!佢好支持我去追夢,對大家有信心。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。