【港姐輪住講感受】感性黃嘉雯狂晒金句

2019年09月10日 11:21
東網電視
更多新聞短片
唔知網友收唔收貸呢?
出爐港姐冠軍黃嘉雯、亞軍王菲、季軍古佩玲呢幾日都頻頻出活動見人,大家都啱啱選完加入娛樂圈,當然係眾人嘅焦點,搞足兩日,佢哋終於都有時間停落嚟講感受,當中黃嘉雯同王菲都不約而同喺社文網先後發文,當中王菲就形容自己「超額完成」,指會繼續努力,做追夢女孩。
而冠軍黃嘉雯嘅感受就多喇,佢先多謝一同作戰嘅好姐妹佳麗,指從來無諗過佢哋呢一班女仔可以咁團結、有共鳴,話如果呢兩個幾月無眾佳麗一齊經歷,呢個旅程都唔會咁完美同快樂。之後佢就多謝親友、星級評判、觀眾同支持佢嘅人,話收到好多好感動既祝福,佢會好好記住在心中。佢亦金句百出,先鼓勵大家唔好怕失敗而選擇原地踏步:「沒有人可以知道人生可以行到有幾遠,但如果怕失敗而選擇原地踏步的話,就會錯失咗好多好美好嘅事情。」之後仲講埋人生:「人生最好嘅旅程不在於世界每個角落;人生最美好嘅旅程原是人生本身! 」佢自己亦會繼續維持平常感恩嘅心咁話。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。