搞笑!田蕊妮自爆一時感觸變誤傳解約

20190910
東網電視
更多新聞短片
所以傳聞嘅嘢唔好亂信。
藝人田蕊妮為即將舉行的演唱會進行綵排,倒數還有10日就開騷,她坦言緊張:「好驚,好多嘢記,稿、歌詞、結他譜。」她又謂昨晚還改緊稿,而且因演唱會時間太長,所以cut了兩部分:「個騷好長,run咗3個幾鐘,觀眾肯睇咁耐,但個場都唔畀我咁耐。(cut咗2 part影響唔大?)唔會,原來我有好多嘢講,一場唔夠,如果多幾場我可以晚晚講唔同內容。(搵定場開part 2?)唔諗住,做好個騷先,唔知仲有冇機會做。」
中秋節唔可以食月餅
問到可有為個唱Keep Fit?她表示:「之前有操,但呢排忙綵排,所以食方面就注意。」她又大呻近來食得清淡:「中秋節又唔可以食月餅,同埋我發夢打邊爐,可能因為呢排食得太清,想食番啲濃味嘢,又唔敢飲凍嘢,對把聲唔好,今次唱歌加講嘢都幾大挑戰。」她又笑言已期待慶功:「嗰日問同事會去邊慶功,原來係打邊爐,好開心!」
一時感觸變誤傳解約
而講到有傳她提早與TVB解約,她解釋:「個人一時感觸,因為呢個星期就係套劇《她。她。她的少女時代》嘅結局篇,嗰次係最後一次宣傳,本身想搞結局飯,但我又要忍口同搞演唱會,所以搞唔到,唔知幾時可以再見大家,所以一時感觸。」她又謂與TVB的合約去到明年。另外,講到香港社會情況,有些演唱會被迫取消或延期,她表示:「唔緊要,每分每秒都唔同,未發生嘅嘢就唔諗住。(有兩手準備?)冇問公司,我關注個騷做得好唔好。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。