拉隊慶中秋!麥包:估唔到啲小朋友仲識我

2019年09月10日 16:30
東網電視
更多新聞短片
一眾藝人齊齊同小朋友開派對預祝中秋佳節!
藝人麥長青(麥包)、羅子喬(Bella)、瑪姬和「廣告女皇」李莉近日到大埔匡智會,和一班小朋友開派對預祝中秋佳節。麥包出現時大派禮物,令一眾小朋友大叫:「麥包哥哥嚟咗呀!」小朋友更上前和他握手及合照,十分純真可愛,眾人亦準備了燈籠和月餅送給小朋友。
麥包近日忙於在內地工作,專程趕返香港出席這個中秋探訪活動,他說:「最重要係小朋友開心,我同譚玉瑛姐姐一班舊同事啱啱先慶祝《閃電傳真機》三十周年,估唔到依家啲小朋友仲知道我係『麥包哥哥』,佢哋真係好天真活潑,小朋友嘅世界最簡單。見到佢哋開心,自己都跟住開心!」
近期忙於拍攝電影的Bella笑說:「小朋友好鍾意問好多問題,同佢哋傾偈,覺得佢哋識好多嘢。其實小朋友最希望有多啲人陪佢哋玩,陪伴係最重要。」李莉最近亦忙於拍廣告,她自言很喜歡小朋友。而瑪姬平日經常做善事,之前曾參與過賣旗活動,她說:「只要有時間,我都會出席這些探訪活動,同單單捐錢嘅感覺好唔同,係特別開心嘅。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。