為愛女安排相睇 陳柏宇?中方皓玟個仔

20190910
東網電視
更多新聞短片
阿女都未夠一歲…
「我最喜愛的男、女歌手」陳柏宇(Jason)、方皓玟(小明)將聯手開騷,以「The Quote」為主題,用音樂分享金句哲理,Jason笑言屆時不會多說話:「每次上台講嘢就唔知講咗去邊兜唔番,變咗『棟篤』,笑唔出。」續透露稍後會開會商討歌單,有計劃會合唱及互唱對方的歌,之後就開始綵排:「希望揀啲歌係可以觸動人心,唱多啲正能量嘅歌。」
已幫囡囡Abigail安排相睇活動
雖然今次是二人於音樂上首次合作,但原來私下曾「交手」,小明說:「十幾年前有一齊唱過K,都有合唱,佢係我師弟,出道相差半年。」小朋友可會到場支持?Jason抵死笑話已幫囡囡Abigail安排相睇活動:「都未見過小明個囝囝,佢個B係混血兒Fit晒,Mix係最正!同我個囡差幾個月,可以約會吓,又可以一齊返學。」
阿女一歲生日會搞P
提到Abi月尾就一歲生日,Jason指會搞Party慶祝:「Book咗個場邀請啲大人朋友,帶埋佢哋嘅小朋友嚟玩。(送咩畀囡囡?)短期內應該唔會送嘢畀佢,佢嘅生活已經使好多錢,加上佢唔知咩係禮物,等佢知先再送。」問到可會送禮物給老婆,以答謝她生B?他愕然笑問:「關佢咩事?佢生日我都有送禮物畀佢。(但佢上年咁辛苦生B。)個B我都有份,我係咪都有禮物?我張附屬卡都喺佢度。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。