逾千萬元物業揸手　鄺潔楹原來係富千金？

「仙氣女神」鄺潔楹（Judy）外形省鏡，性格又傻更更，深得Fans喜愛，拍攝《3日2夜》、《愛．回家之開心速遞》及做主持都經常成為宅男熱話。最近Judy被揭家底原來有番咁上下，被指家住二千呎獨立屋之外，又與兄長在跑馬地有逾千萬元物業，亦有開投資公司。Judy受訪時否認是「富千金」，只是多得家人投資有道：「我點會係富千金？都係自己揸車，大家叫番我『哈比』啦！我只可以講自我開始懂事以嚟，屋企人都灌輸有關投資嘅知識，好多都係我哋共同擁有嘅財產，要歸功於佢哋，我入行以嚟冇走捷徑，由娛樂新聞台開始做起，所有嘢都循序漸進，希望大家睇番我工作方面啦！我好努力㗎！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。