戴住面具去威尼斯!高海寧預埋鄧智偉一份

20190912
東網電視
更多新聞短片
高Ling都話想同男友鄧智偉去意大利。
藝人高海寧出席意大利文化節活動,表示去過意大利兩次,遊覽過四個城市,下個目標想去威尼斯,她謂:「想參加當地每年二月舉行嘅面具節,但之前次次都喺香港做嘢。(點解咁想參加?)唔覺得好神秘咩?大家戴晒面具唔知咩樣,但又可以同對方做朋友,除咗面具可能係靚仔,會好開心。(但都可能唔靚仔?)咁咪係surprise囉,哈哈。」問男友鄧智偉可會成全她,她謂:「可以呀,一直都想去,佢都鍾意意大利。」
記者提議她可以扮新娘裝出席面具節?她笑言:「唔使嘅,有好多其他裝扮,佢哋都鍾意着宮廷裝。(你身材好着宮廷裝咪啱晒?)我同當地人比小兒科啦。」講到她與男友都喜歡意大利,可會考慮在當地結婚?她表示:「如果有機會都唔介意,但好難講實,不過我覺得意大利品牌嘅婚紗特別靚,所以着意大利婚紗喺當地影婚紗相都唔定,同埋一諗起意大利就諗到浪漫。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。