孤獨過中秋！袁嘉敏玩交友App被封鎖

藝人袁嘉敏以低胸裙在深水埗為雞煲剪綵，講到感情生活，她表示沒有拍拖，中秋要自己賞月：「幾年前已經有朋友叫我用交友App去認識朋友，好似原子鏸都係咁樣識到依家個老公，今年心口掛個勇字試吓用，點知畀個App封鎖咗我，連3百蚊月費唔肯退番畀我，網友話可能之前有人用過我張相去開一啲假帳號，所以見到我張相就即刻封鎖咗我。」她指過去在社交網也試過有人冒充她身份，雖然沒有牽涉到金錢，但也影響她的聲譽。

她又謂羨慕他人有生意，自己也有興趣做生意：「朋友喺中環開舖，成日話發夢畀人追租，所以叫我不如試吓做網上生意先。」在澳洲長大的她，希望經營有關天然、有機產品的生意，她說：「之前有人搵我做隆胸代言，話唔使真係做手術，用我張相就得，咁做好唔誠實，有欺騙成分，所以都推咗，損失幾十萬。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。