【最期待畫面】張敬軒送碌嘢賀關智斌開騷

20190914
東網電視
更多新聞短片
終於等到呢一對上台!
歌手關智斌(Kenny)的處男騷於紅館舉行,中段Kenny官仔骨骨邊吹色士風邊唱出《分手不要太悲哀》,之後「密友」張敬軒彈鋼琴出場,兩人合唱《情陷百老匯》,全場瘋狂尖叫,兩人一黑一白十分合襯。軒仔表示:「歡迎大家嚟到『相敬如斌』演唱會,各位請就坐。」兩人鞠躬及攬攬,Kenny表示:「我想講兩句說話,平時你講嘢我都冇得講。」軒仔即謂:「咩平時呀?」期間觀眾大叫兩人咀嘴及結婚,但兩人「聽不到」,Kenny繼續講:「上到紅館台真係要多謝你,因為上次做你演唱會嘉賓啲人叫到拆天,所以今日還返畀你。」軒仔就謂:「你應得嘅。」
其後軒仔笑Kenny節儉:「今日中秋正日,做嘉賓老毛(利是)都冇封,平時做嘉賓間房都有啲生果同燒肉,但今次間房乜都冇。」Kenny反問他:「乜唔係你安排咩?」全場起哄,軒仔即笑言:「雖然我係英皇員工,但呢單嘢唔係我跟開。」
軒仔又帶了禮物前來,叫工作人員拿出一個巨型果籃,軒仔先攞出兩枝貼住KK的膏狀物體,全場即爆笑,他即謂:「唔好心邪,煉奶嚟架,Kenny Kwan呀嘛,好彩你唔係姓容咋,識笑嗰啲全部都係心邪。」全場大笑。之後軒仔介紹一碌又長又有毛的東西:「其實呢枝係鮮淮山,滋陰補腎,呢啲唔係毛,係根,攞返去食。」之後軒仔攞出個菠蘿,表示第一次見Kenny有波又有籮,隨即表示剩低的全是火龍果:「即係好似我咁有益,食咗。」全場再尖叫。接着兩人合唱《笑忘書》,兩人唱到眼濕濕,唱完更抱抱。
其後軒仔感觸表示知道Kenny北上發展時遇過很多困難:「我覺得佢係玩命嘅,佢同容祖兒一樣都係攞條命嚟較飛。」續謂人生有很多愛是可以不斷昇華:「好似今晚咁,大家將呢份愛化做對Kenny嘅支持。」全場再歡呼。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。