【萬眾期待】軒仔啜爆Kenny開心到彈起

20190915
東網電視
更多新聞短片
終於等到啦!
關智斌(Kenny)處男紅館騷《KENNY is BORN 關智斌演唱會》舉行尾場出,Encore環節時,新加一條張敬軒與DJ當奴組成的「BOYZ」重拍《La La世界》的搞鬼MV,兩人趣怪造型及玩嘢情節令全場笑爆嘴。唱到《Girls》,Kenny更唱到喊:「我應該係第一個握手握到喊嘅歌手,因為見番好多熟悉嘅面孔,原來大家嚟支持我,我會好好珍惜。」鳴謝環節時,他指容祖兒是全公司的盾牌:「有咩佢都會出嚟頂先,就算自己全身都傷痕纍纍,但都要帶我去佢演唱會宣傳賣飛。」他又多謝張敬軒,全場即起哄,鏡頭影住企控制台的軒仔:「佢幫我演唱會好多,調音、諗rundown,點樣幫演唱會盡善盡美,又教我喺台上表演,雖然我都知自己仲有好多瑕疵。」
唱完最後一首歌《大男孩》後,Kenny表示不捨得走,此時坐在台下的祖兒、軒仔、古巨基及蔡卓妍(阿Sa)再度上台,阿嬌則因明日早機已早走。Kenny更跪謝基仔他們,祖兒即抵死搞氣氛謂:「既然你咁開心多謝我哋,逐個錫一啖囉。」全場即起哄,之後基仔開始錫Kenny的面,祖兒和阿Sa更齊齊與Kenny蜻蜓點水咀嘴,此時剩下軒仔未咀,阿Sa即抵死謂:「我好驚,頭先已經錫面錫嘴,唔知之後會錫邊度呢?」全場起哄,其他人叫軒仔搽定潤唇膏,之後萬眾期待的一幕終於出現,兩人本身有些尷尬,其後軒仔終於主動錫Kenny的面珠,但就極快速錫得一秒,全場瘋狂尖叫!軒仔錫完更開心彈起,他無奈笑言:「原來你哋呢班人係咁玩得嘅!」但他錫完後即行去另一邊,其他人發現後即拉返他及Kenny企在一起,最後眾人合唱《眼紅館》為演唱會作結。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。