相隔10年！49歲李嘉欣復出　現身內地橫店

現年49歲嘅「大美人」李嘉欣自2008年與許晉亨結婚後已半退出娛圈，專心照顧仔仔許建彤（Jayden）！不過最近就有網民目擊佢喺內地橫店出現，係佢自退隱後首次現身片場！

當日一身休閒打扮嘅佢喺片場出現，笑容滿面，恤衫襯牛仔褲及波鞋，身形勁Fit！而咁啱內地劇《延禧攻略》監製兼金牌製作人于正就喺前日（13日）喺微博發文「頂級女神助陣」其綜藝節目，令兩件事不謀而合，加上Jayden已經8歲，嘉欣都可以稍為放心，所以網民都紛紛認為佢即將「復出」幕前，非常期待！李嘉欣對上一次演出已經係2009年客串電影《十月圍城》嘅時候，如果今次真係回歸公仔箱，必定引起哄動！

于正之後喺微博上載李嘉欣着上古裝嘅宣傳照，確認消息！佢留言：「李嘉欣貴妃妝#前天讓大家猜了一晚上的神秘女神，想必大家現在也知道答案了。就是我們李嘉欣小姐，今天的楊貴妃扮相堪稱一絕，迫不及待想讓大家看到成片！」而李嘉欣亦有轉發，並留言：「很開心的一次合作，我們上線見。」

據知，李嘉欣今次以5,000萬人民幣（約港元5,600萬）演出，但相隔10年再「出山」，並非受厚酬利誘，而係心繫家庭照顧兒子Jayden嘅佢希望尋求事業突破，加上Jayden已經大個仔，佢被于正誠意打動下，答應加盟節目。亦有傳于正為咗愛將吳謹言一雪前恥，會喺節目中為佢度身訂造特別環節，實行演技「洗底」。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。