【網上買嘢出事】狄以達遇光管爆炸燒燶牆

歌手狄以達近排忙於搞第三間跳舞學校分店，點知佢忽然喺社交網自爆遇家居意外！見佢甫出多張現場相，見佢跪晒地「清理現場」，原來佢喺網上買光管，點知支光管用用吓竟然爆炸，仲燒着啲電線，真係嚇親人！好在狄以達自己就冇受傷，仲幫啲Studio器材報平安，不過就要搞好啲手尾，幅牆成撻燒燶咗，睇相都已經格外外礙眼，狄以達似係搞唔掂，冇乜時間處理嘅佢仲索性用啲Memo貼上牆「遮醜」就算…

狄以達喺社交網晒相留言：「已驗證　意外火災　不用擔心　人無事　網上買的光管爆開咗　其他無事」不過佢就Hashtag自嘲「#係我哋唔好 #發現呢個問題 #不會爆炸的」嚟個親自河蟹，下次都係正正經經去舖頭買光管好喇！

狄以達接受東網訪問時，表示對家居意外仍有餘悸，指今次火警發生於昨日傍晚五時，地點是九龍灣的寫字樓，而今次事件全因自己大意及太懶：「我嗰啲光管係喺內地網度買嘅，都成80蚊人民幣一支，唔算好平，其實同香港嗰啲價錢差唔多，只係我太忙唔得閒去搵，貪方便喺網買啫。我估係因為電壓問題出事，因為買番嚟啲光管嘅叉電火牛係兩腳，但香港係用三腳插頭，我加咗個旅行插頭就出事喇。（可會claim保險？）唔會啦，唔係好大件事，又冇大損失。」但他說經此驚魂後不敢再買內地的電器。

他又說事發時公司仍有人在場，好在沒有受傷，否則後果更不堪設想，只是在場目擊的三位女同事及一位跳舞老師被嚇餐死令他內疚：「佢哋話要用消火筒救熄啲水，搞到我依家都有啲陰影，我都好驚，出門前會仔細檢查全屋電器，到底有冇熄埋啲電，同埋爆炸後成層樓都有『?』味，如影響到同樓層的鄰居，我在此致歉。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。