碧咸花弗大仔布魯克林與前度夜店咀嘴被影

英國萬人迷碧咸（David Beckham）的大仔布魯克林（Brooklyn Beckham）近期被傳與模特兒前度Hana Cross翻撻，二人上星期更同場出席內衣派對。不過話口未完，20歲的布魯克林過去周末被影到與另一前度Lexy Panterra於倫敦一夜店內咀嘴！

據知二人前後腳抵達夜店，但就一齊離開。知情者爆料：「布魯克林對佢非常親熱，每當我望佢哋嘅時候，佢哋都係咀嘴或大笑。」布魯克林與30歲的Lexy去年短暫拍拖。

除了布魯克林之外，他的17歲細佬羅密歐（Romeo Beckham）最近亦密運中！有指他周日晚與家人出席完母親Victoria的時裝騷之後，帶同緋聞女友 Mimi Moocher齊齊出席家庭聚餐，實行帶女友見家長！羅密歐早前與《怪奇物語》（Stranger Things）女星Millie Bobby Brown傳過緋聞。