中年髮再生！李連杰無限回春26年變方世玉

武打巨星李連杰2013年自爆患上甲狀腺功能亢進症（甲亢），網上更流出佢極速衰老變阿伯嘅樣，當堂嚇壞大家，當時佢急急澄清自己冇病重，之後都見李連杰慢慢回復狀態，不時見佢回春嘅相流出，粉絲即刻放心晒。

今日李連杰再度現身喺大陸一個影城，狀態大勇，一身運動裝打扮，戴埋黑超加棒球帽，仲要單手插袋Chok住行，仲有個小小肚腩，一啲都唔似56歲，直情回春26年，睇落去似番1993年演嘅《方世玉》！不過最令人驚喜嘅係，李連杰帽下生出濃濃嘅黑髮，已經維持光頭多年嘅佢，中年髮再生，真係可喜可賀！希望下次露面可以除低頂帽，騷下新髮型！

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。