領證照曝光?楊丞琳李榮浩默認秘婚

20190917
東網電視
更多新聞短片
恭喜定先!
台灣藝人楊丞琳與內地歌手李榮浩7月宣布訂婚,上月就因內地發出「暫停大陸居民赴台個人遊簽證」新政策,引發出呢對異地戀未婚夫妻「見面危機」,點知一轉頭今日就傳出二人今早(17日)已經喺大陸合肥領證,成為合法夫婦!
今年7月11日,李榮浩生日當日宣布二人喺海島度假並求婚成功,以3卡鑽戒同楊丞琳訂終身,尋日更有網友喺上海機場偶遇二人,見二人親暱地手挽手向前走,同一般熱戀中嘅男女無異,而楊丞琳仲突然喺社交網怒斥私生飯跟蹤行為。不過今日就有網友自稱有朋友喺民政廳工作,親眼目睹二人喺合肥領咗結婚證喇,不過消息仍有待確認。
楊丞琳同李榮浩回應傳媒時,未有否認婚訊,只係話:「謝謝關心!」似係默認喜事!而網上仲爆出話係佢哋領證明嘅相片!據知,楊丞琳唔係大肚急住結婚,話預計明年舉辦婚宴。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。