大膽談出軌話題 李孝利讚老公李尚順靚仔

20190917
東網電視
更多新聞短片
李孝利與老公李尚順昨晚亮相《同床異夢2》。
韓國40歲性感女歌手李孝利與結婚6年的45歲音樂人老公李尚順,昨晚亮相SBS節目《同床異夢2》,與尹尚憲及妻子Maybee見面。
李孝利大爆早前曾與其他夫婦見面,並談及關於離婚的話題:「對方問我如果尚順鍾意咗其他人,我會點做,我就話我會離婚,但我唔會恨他,鍾意其他人並唔係可恨嘅事,但我唔會想同佢繼續生活。」但當問到李孝利如有婚外情時,她就說:「我會好快從愛情裏走出來,所以就必須要等等我。」李尚順立即大表荒唐:「我搞婚外情就要離婚,但老婆你搞婚外情就要我等你,叫我忍受,呢個係咩道理?你就算有第二個,但我到死都唔可以?」
其後李尚順又大爆老婆李孝利曾將他送的生日禮物賣到二手市場:「我曾經喺孝利生日嘅時候,叫韓惠妍寄孝利會鍾意嘅衫畀我。」但他指李孝利收到後反應冷淡,李孝利更承認將衣服拿到跳蚤市場賣:「我將件衫賣咗嘅錢拎去幫被遺棄嘅動物。」
而與Maybee是多年好友的李孝利,指沒有想過對方會與圈內人結婚,又指結婚對象會如自己的理想型不同,李尚順便搞笑道:「唔係呀,我老婆就係如我所想嘅一樣,同巨星結婚係我夢想。」十分爆笑!而李孝利又大讚老公靚仔:「我係真心覺得佢靚仔,佢真係唔錯呀,又夠Man。」